SC Susteren

Wim Peters zegt DANKJEWEL

Home > Media > Nieuws > Wim Peters zegt DANKJEWEL

Bèste sjportvrunj,

‘t Seizoen 2016-2017 zit d’r bienao op.
Noe nog ein paar sjpannende waeke, van ein óngeluiflik voetbaljaor.
Wat ein prestaties van jederein.
Mit name ós ieëste elftal en de A1-jeug sjtaeke d’r ech baovenoet . Super manne!

Es kantinebeheerder is veur mich noe de tied gekómme óm nao dit sezoen te sjtoppe.

Op dees meneer wil ich jederein bedanke veur dae sjoane tied.
Väöl gelache en auch waal èns gevlook. Mer ouch det heuërt d’r bie.

Ein bezunjer woord van dank geit oet aan de “Wim’s Angels”.
Geer woort in ein woord super.
Dao zeen gein weurd veur.
Danke, Danke, Danke: Jozet, Lilian J., Lilian B., Bea, Heidi en Sylvia.

Danke ouch aan: Gerrit, John J., Jos H., Jos B. , Frits, Math J. en Jos K.
Auch geer woort ein geweldige sjteun veur mich!

Den moog ich natuurlik mien Lielke zeker neet vergaete.
Es ich dènk aan al d’n tied det ‘t allein thoes zoot en mich den aevegood nog de volledige sjteun goof. Dae ich neuëdig haw,veural op die mindere momente, die d’r auch waal èns zeen gewaes.
Neet allein SUPER, mer ouch nog èns van ein SUPER-MAEDJE !

Auch bedank ich ‘t besjtuur veur de gooj samewirking.

Jederein dae dit leus en mich kènt wèt det ich dit sjrief mit ein träönke.
Want ‘t duit toch waal ein bietje pien.

Mer nao 12 jaor is ’t ouch weer good gewaes….

Nogmaals: DANKE, DANKE, DANKE, ALLEMAOL !!!

Wim

#

#

#

#

Gesprek laden